Линктер

ЧУКУЛ КАБАР!
4-Март, 2021 бейшемби, Бишкек убактысы 15:43

Прокуратура: Өспүрүмдү кыйнаган милиционердин иши сотко өттү


Иллюстрациялык сүрөт.

Жалал-Абадда өспүрүмдү кыйноо фактысы боюнча иш сотко өттү. Бул тууралуу бүгүн Башкы прокуратура кабарлады.

Мекеменин маалыматына караганда, быйыл июль айында Ноокен районунун Ормон-Сай айылында болгон мушташ учурунда "курдашына бычак менен кол салган" деген шек менен кармалган өспүрүмдү милиция сабап көрсөтмө алган. Натыйжада ал баланын кулагы чала угуп калган.

Өспүрүмдөн жабыркаганы айтылган бала ооруканага жаткырылган. Кылмышка шектүү бала милицияда сегиз саат кармалып турган. Баласын күч кызматкерлери кыйноого алганы тууралуу арызды 14-июлда прокуратурага анын апасы жазган.

24-июлда Ноокен райондук прокуратурасы кылмыш ишин козгоп, 5-декабрда Бүргөндү айылынын милиция бөлүмүнүн башчысына карата Кылмыш-жаза кодексинин 305 ("Өспүрүмдү кыйноо") жана 105 ("Саламаттыкка атайылап анча оор эмес залал келтирүү") беренелеринин негизинде айып тагылды.

Ишти Ноокен райондук соту карайт. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG