Бишкек мэриясы быйыл шаардын Жаңы жылдык жасалгасына 15 миллион 580 миң сом бөлдү. Бул тууралуу бүгүн мэриянын маалымат кызматы кабарлады.
Маалыматта “Бишкекжарык” ишканасы шаарды кооздоого сынак жарыялаганы айтылды.
Натыйжада Ала-Тоо аянтындагы балатынын өзүнө 1 миллион 200 миң сом, жалпы аянтты кооздоого 2 миллион 800 миң, 3D форматындагы түзүлүшкө 9 миллион сом бөлүнгөн.
Ал эми борбордук көчөлөрдү, Жаштар аллеясы менен Курманжан датка эстелигинин тегерегин кооздоого жалпысынан 2,5 миллион сом сарпталды.
Башкы балатынын чырактары бүгүн жандырылат. Анын бийиктиги 25 метр. (RK)
