Америкалык SpaceX компаниясы Falcon 9 ракетасын 15-декабрда Dragon жүк ташуусу кемеси менен космоско учурду. Ал асманга АКШдагы Каннаверал булуңундагы космодромдон көтөрүлгөн. Жүк кемесинин бортунда эки тоннага жакын тамак-аш жана илимий жабдыктар болгон.
Dragon Эл аралык космос станциясына бүгүн, 17-декабрда жетет. Ал орбитада бир айдай болуп, Жерге NASA үчүн эксперименттердин жыйынтыгы менен кайтып келет.