Чилиде консерватор Себастьян Пиньера президенттик шайлоодо жеңишке жетишти. Борбордук шайлоо комиссиясы миллиардер Пиньера 54 жарым пайыз добуш, анын атаандашы, борборчул-солчул Алехандро Гийер 45,4 пайыз добуш алганын билдирди. Бул Пиночеттин диктатурасы аяктагандан бери борборчул-солчул күчтөр үчүн чоң утулуш.
68 жаштагы Пиньера өлкөнү 2010-2014-жылдар аралыгында жетектеп турган. Ал шайлоо алдында ишкерликке, экономикалык өсүшкө жакшы шарт түзүүгө убада берип келди. Пиньера эмки мартта социалист Мишель Бачленин ордун басмакчы.