Оорулардын алдын алуу жана мамлекеттик санэпидемстанциясынын маалыматына караганда, Кыргызстанда сасык тумоого чалдыккандар көбөйдү.
Эпидемияга кабылгандардын басымдуу болүгү - 14кө чыга элек балдар. Алар жалпы ооругандардын 70 пайызын түзөт. Айрыкча алар Чүй жана Баткен облустарында көп.
Адистер 2018-жылдын январь айында оору күчөйт деп божомолдоп жатышат. Бирок былтыркыга салыштырмалуу ооругандар 4,8 эсе азайганы да айтылат.
Грипптин табиятын аныкташ үчүн Бишкек шаардык, Кара-Суу, Ысык-Ата райондук ооруканаларына реактивдик вирусологиялык лабораториялар уюштурулду.
300 медициналык кызматкерге тумоологон адамдар менен иштөө эрежелери үйрөтүлдү. (BCh)
