Линктер

жекшемби, 24-июнь, 2018 Бишкек убактысы 22:29

Ысык-Көл районунун Корумду айылынын аймагында 2 машине кагышып, 8 адам ар кандай деңгээлде жаракат алган. Алардын бешөө оорукананын жандандыруу бөлүмүнө жаткырылганын "Азаттыкка" Ысык-Көл райондук ооруканасынын жандандыруу бөлүмүнүн башчысы Сарбагыш Иманалиев ырастады. Анын айтымында, жол кырсыгынан жабыркаган 8 киши ооруканага келип түшкөн. Анын бешөө жандандыруу бөлүмүнө жаткырылып, анын ичинен бирөө абалы оңолуп, башка бөлүмгө которулган. Учурда калган төртөөнүн абалы оор бойдон.

Ысык-Көл райондук милициясынын жол көзөмөл башкармалыгынын жетекчиси Тимур Кадыровдун маалыматында, кырсык бүгүн, 20-декабрда саат 10:00 чамасында Балыкчы-Каракол жолунун 100-чакырымында болгон. Анда карама-каршы келаткан БМВ жана "Ауди 100" үлгүсүндөгү автоунаалар кагышкан. Учурда тийиштүү экспертизалар жүргүзүлүп, кырсыктын себептери иликтенүүдө. (AsM)

Сиздин пикир

пикирлерди көрсөт

XS
SM
MD
LG