Жогорку Кеңештин мурдагы депутаты Токтогул Туманов өкмөттүк "Мүлк" ишканасына директор болду. Тийиштүү буйрукка 22-ноябрда өкмөт башчы Сапар Исаков кол койгонун Мамлекеттик мүлктү башкаруу фондунун басма сөз кызматы "Азаттык" радиосуна бүгүн билдирди.
Аталган фонддун алдында “Мүлк” ишканасы быйыл мартта түзүлгөн. Ишкана буга чейин мамлекеттин карамагында болгонуна карабай, бюджетке киреше алып келбеген талаштуу объектилерди иретке салуу жаатында иш алып барары айтылган.
Тумановго чейин ишкананы Орозбек Нусувалиев жетектеген. (SE)
