Президент Сооронбай Жээнбеков 25-26-декабрь күндөрү Казакстан менен Орусияга расмий жана жумушчу сапар менен барат.
Президенттик аппараттын Тышкы саясат бөлүмүнүн башчысы Айзада Субакожоева билдиргендей, расмий сапар 25-декабрда Астанага жасалат.
Жээнбеков коңшу өлкөнүн мамлекет башчысы Нурсултан Назарбаев менен алгач чакан чөйрөдө жолугат. Андан соң кеңейтилген жыйында Евразия экономикалык биримдигинин алкагындагы кызматташуу талкууланат.
26-декабрда Жээнбеков Орусия президентинин чакыруусуна ылайык, жумушчу сапар менен Москвага барат. Ал жакта КМШ мамлекет башчыларынын бейформал жолугушуусуна катышат.
