Кыргызстанда 2017-жылы 325 табият кырсыгы болуп, андан 141 адам жашоо менен кош айтышты.
Өзгөчө кырдаалдар министрлигинин маалыматына ылайык, январда Манас аэропортуна жакын Дача-Су айылына учак кулап, 39 киши мерт болсо, кар жана жер көчкүлөр 45 өмүрдү жалмады. Ири жол кырсыктары 52 киши набыт болсо, өрт кырсыктарында беш адам көз жумду.
Ошондой эле Кыргызстанда узап бараткан жылда беш миңден ашуун унаа кырсыгы катталып, 700дөн көп адам каза тапты.
