Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 00:22

Аббас: Палестина АКШнын бир да тынчтык планын кабыл албайт


Палестина автономиясынын президенти Махмуд Аббас, Париж, 22-декабрь, 2017-жыл.

Палестина автономиясынын президенти Махмуд Аббас палестин эли Жакынкы Чыгыш боюнча АКШнын сунуш кылган бир да тынчтык планын кабыл албай турганын айтты.

Ал 22-декабрда Парижде француз президенти Эммануэл Макрон менен жолуккандан кийин: "АКШ тынчтык жараяндарында чынчыл арачы эмес экенин көрсөттү. Биз мындан ары АКШнын бир да планына макул болбойбуз", деп билдирди.

Президент Доналд Трамп АКШ Иерусалимди Израилдин борбору деп тааный турганын жана Тел-Авивдеги америка элчилигин ушул байыркы шаарга көчүрөөрүн жарыялаган. Бул окуя араб жана мусулман өлкөлөрүн катуу нааразы кылган.

Бир күн мурда Бириккен Улуттар Уюмунун Башкы ассемблеясы Трамптын бул чечимин четке каккан резолюцияны жактырды.

Израил Иерусалимди өзүнүн борбору деп санаса, Палестина шаардын чыгыш тарабын өзүнүн болочок башкалаасы деп эсептейт.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG