Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 11:42

Беларус криптовалютаны мыйзамдаштарды


Биткоин виртуалдык валютасы

Беларус биткоин сыяктуу криптовалюта же виртуалдуу акча менен финансы операцияларын жүргүзүүнү мыйзамдаштырды. Президент Александр Лукашенко тиешелүү декретке 22-декабда кол коюп, бул чечимин чет өлкөлүк инвесторлорду тартуу максаты менен түшүндүрдү. Ал криптовалюталардын мыйзамдаштырылышы Беларусту интернеттеги транзакциялардын чордонуна айлантат деп ишенерин айтты.

Лукашенко Минск маалымат технологиялары (IT) жаатында иш алып барган дүйнөлүк фирмаларга өз филиалдарын Беларуста ачуусу үчүн шарт түзүүнү көдөйт деп кошумчалады.

Беларус президентинин декретине ылайык, виртуалдуу валюта аркылуу ишке ашкан соода-сатык операцияларынан 2023-жылдын 1-январына чейин салык алынбайт.

Европадагы авторитардык өлкө деп мүнөздөлгөн Беларуста IT индустриясы ийгиликтүү иштеп жаткан саналуу тармактардын бири. 2006-жылы Минскте бул тармакты өнүктүрүү максатында Жогорку технологиялар паркы ачылган.

Учурда Беларуста 115 миң IT адистери иштеп, айына өлкөдөгү орточо айлык акыдан кыйла көп маяна же орто эсеп менен 1800 доллар табышат.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG