Линктер

ЧУКУЛ КАБАР!
9-Май, 2021 жекшемби, Бишкек убактысы 13:50

Орусия: Навальныйды президенттикке көрсөтүү боюнча кол топтолууда  


Алексей Навальный.

Орусиянын бир нече шаарларында оппозициялык саясатчы Алексей Навальныйды президенттик шайлоого талапкер катары көрсөтүү боюнча шайлоочулардын жыйындары өтүп жатат.

Саясатчынын тарапкерлеринин маалыматына караганда, Новосибирск шаарында жыйынга келген 700дөн ашык киши Навальныйды бир добуштан колдоду. Ушундай эле чечимдер Пермь, Омск жана Красноярск шаарларында да кабыл алынды.

Навальный үчүн биринчилерден болуп Владивостоктун жашоочулары добуш беришти.

Жыйындарга полициянын жолтоо болгону тууралуу кабарлар түшө элек. Бүгүн эртең менен Астраханда оппозициялык саясатчынын тарапкерлери түшкөн кичиавтобус кармалганы маалымдалган.

Бир нече шаарда жыйындарга Борбордук шайлоо комиссиясынын өкүлдөрү катышууда.

Жалпы шайлоочулардын жыйындары Орусиянын 20 шаарында белгиленген. Алексей Навальный мыйзам боюнча талапкер көрсөтүү үчүн 500 киши катышкан кеминде бир жыйын өткөрүш керектигин белгилөөдө.

Орусияда президенттик шайлоо 2018-жылдын 18-мартында болот.

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG