Президент Сооронбай Жээнбеков бүгүн парламент жыйынында өкмөт мүчөлөрүнүн антын кабыл алгандан кийин: “Өтүп бараткан жыл жаман жыл болгон жок, ийгиликтүү, жемиштүү жыл болду. Ошондой эле 2018-жыл молчулуктун, токчулуктун жылы болсун”, - деген каалоо-тилегин айтты.
- Мына сиздер менен жаңы жылдын алдында жолугуп жатабыз. Бардыгыбыз тең шайланып жатканда элге убадаларды бергенбиз, келе жаткан жыл ошол убадалар аткарыла турган жыл болсун. Жаңы шайланган өкмөткө ийгиликтерди каалайм.
Бүгүн парламентте жаңы шайланган өкмөт мүчөлөрүнөн биринчи вице-премьер-министр Аскарбек Шадиев, вице-премьер-министр Дайыр Кенекеев, маданият, маалымат жана туризм министри Султан Жумагулов ант берди. (SDz)
