Линктер

бейшемби, 18-октябрь, 2018 Бишкек убактысы 00:58

Санкт-Петербургдагы жардыруудан бир өзбекстандык жабыркаган


Санкт-Петербург.

Санкт-Петербургдагы соода дүкөнүндө 27-декабрда кечки саат жетиге чукул болгон жардыруудан 60 жаштагы өзбекстандык Иврикул Аликулов жарадар болгон.

Ал учурда №17 Александров шаардык ооруканасына жаткырылган. Дарыгерлер анын абалын туруктуу оор деп баалап жатышат.

Өзбекстандын ТИМи Орусиядагы консулдуктун кызматкерлери жабыркаган өзбекстандыкка керектүү жардам көрсөтүп жатышканын маалымдаган.

Орусиянын Тергөө комитети шаардагы тамак-аш саткан «Перекресток» дүкөнүндөгү жардырууну адам өмүрүнө кол салуу катары карап, жардыргыч заттын кубаттуулугун тротил эквиваленти менен 200 граммга баалады.

Колго жасалган бомба жарылганда 13 киши жабыркаган. Санкт-Петербургдун губернатору Георгий Полтавченко аларга 300 миң рублдан акчалай жардам көрсөтүүгө буйрук берген.

XS
SM
MD
LG