Линктер

шейшемби, 11-декабрь, 2018 Бишкек убактысы 12:33

«5-каналды» Эркинбек Абдыразаков убактылуу жетектейт


«5-каналдын» башкы директорунун милдетин аткаруучу болуп Эркинбек Абдыразаков дайындалды. Бул тууралуу аталган каналдан кабарлашты. Маалыматка ылайык, Абдразаков 29-декабрда каналдын жамаатына жыйналыш өткөрүп, жакынкы айлардагы иши тууралуу маалымат берген.

Ал 2018-жылдын январынан тарта эфир үчүн жооптуу техникалык кызматкерлерден башка кызматкерлер белгисиз мөөнөткө эс алууга кетерин билдирген. Андан соң чечим кабыл алынмакчы.

Буга чейин Канал директору Евгения Бердникова менен шеф-редактору Дмитрий Ложников 15-декабрда жумуштан кетүү боюнча арыз жазышкан. Андан алар менен кошо жыйырма жакын журналист кызматтан кетерин билдирип, 29-декабрда учурдагы жамаат акыркы жолу каналдын обого чыгышкан.

Кыргызстандын бардык аймактарына тараган "Бешинчи каналда" 80ге жакын кызматкер бар. Алардын басымдуусу кетип жатат. Көбү жаңылыктар бөлүмүндө иштегендер. 29-декабрдан 31-декабрга чейинки берүүлөр, Жаңы жылга карата майрамдык көрсөтүү даяр. Аны техникалык кызматкерлер обого чыгарып турушат.

Жаңыдан дайындалган Эркинбек Абдыразаков РСК Банктын директорлор кеңешинин мүчөсү болгон.(BkA)

Сиздин пикир

пикирлерди көрсөт

XS
SM
MD
LG