Линктер

ЧУКУЛ КАБАР!
14-Май, 2021 жума, Бишкек убактысы 08:17

Иранда өкмөткө каршы демонстрациялар күчөдү


Занжан шаары, Иран

Иранда өкмөткө каршы көчө демонстрациялары Доруд шаарындагы акциялар учурунда эки демонстрантка ок атылгандан кийин күчөдү. Нааразылык акциялары азык-түлүк азыктарына баанын кымбатташына каршы уюштурулуп, кийин саясий талаптар коюла баштаган.

Чаржайыт акциялар өлкөнүн Тегеран, Шахр-э-Корд, Керманшах жана Занжан сыяктуу шаарларында өткөнү кабарланды.

Социалдык тармактарда 30-декабрда акциялар учурнда эки жигитке ок атылганы тууралуу тасма тарады. «Азаттык» радиосу бул тасманын чын-бышыгын тактай алган жок. Бирок «Америка үнү» полициянын огунан каза болгон адамдарды Хамза Лашни жана Хоссейн Решно деп атап, алардын жакындары менен аймактык кабарчы баарлашканын маалымдады.

29-декабрда башталган акциялар Иранда 2009-жылдагы нааразылык демонстрациялардан кийинки ири нааразылык иш-чарасы болуп калууда. Анда президенттик шайлоодо Махмуд Ахмадинежаттын жеңгенине нааразылар көчөгө чыккан эле.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG