Линктер

жекшемби, 22-апрель, 2018 Бишкек убактысы 10:47

Даниянын борбору Копенгагендеги "Café 33" барынын кожоюну өз коллекциясындагы баасы 1,3 миллион доллар турган бир шише орус арагы уурдалганын билдирди. Копенгагендин полициясы ууру барга кирип, "Русско-Балтийский" аттуу арактын шишесин алып кеткенин 3-январда тастыктады.

"Мен аны Орусиядагы эң кымбат автоунаалар менен арак чыгарган "Дартз" ишканасынан алгам. Ал алты айдан бери менин коллекциямда болчу", деп билдирди "TV2/Lorry" телеканалына бардын кожоюну Браян Ингберг.

Маалыматка ылайык, кожоюн сейрек чыгарылган орус арагынын шишесин камсыздандыруудан өткөргөн эмес.

"Русско-Балтийскийдин" шишесин жасоого үч килограмм алтын жана үч килограмм күмүш колдонулган. Мындан тышкары, шишенин сырткы кабы 1912-жылы чыгарылган "Монте Карло" унаасынан алынган булгаарыдан жасалган.

"Албетте, мен капа болуп турам. Ал менин коллекциямдагы 1200 шишенин ичинен эң өзгөчөсү болчу", - деди кожоюн Браян Ингберг.

Сиздин пикир

пикирлерди көрсөт

XS
SM
MD
LG