Президент Сооронбай Жээнбеков 30-декабрда кол койгон алты жарлыкка ылайык, 1210 адамга Кыргызстандын жарандыгы берилди, алардын ичинен 154ү балдар. Жарандык алгандардын көпчүлүгү - Өзбекстандан жана Тажикстандан көчүп келген кыргыздар.
Президенттин дагы башка эки жарлыгы менен Кыргызстандын жарандыгынан 629 киши чыгарылды. Алардын ичинен 152си жаш балдар.
Бул тууралуу 4-январда президенттик аппараттын маалыматтык саясат бөлүмү кабарлады. (ZKo)