Линктер

ЧУКУЛ КАБАР!
13-Июнь, 2024-жыл, бейшемби, Бишкек убактысы 22:38

Крымда 60тан ашуун татар эркинен ажыратылды


Крым татарларынын тилектештик жыйыны, Симферополь, 26.11.2017
Крым татарларынын тилектештик жыйыны, Симферополь, 26.11.2017

Орусия аннексиялап алган жарым аралда татарларга басым күчөгөнүн Крым татарларынын межлисинин төрагасы Рефат Чубаров билдирди.

“Саясий тутукундар, башкача айтканда темир тор артында отургандар же соттун өкүмү менен Крымда ээн-эркин жүрүү укугу чектелгендердин саны 60тан ашуун. Ал эми акчалай айыппул салынгандар жүздөп саналат” – деди Чубаров.

«Ата-энеси абакка кесилгендиктен, тирүүлөй жетим калган балдар жүздөн ашуун. Аларга жардам керек» - деп кошумчалады межилистин төрагасы.

Крым татарларынын ресурстук борбору жүргүзгөн мониторингге караганда жергиликтүү соттор 2017-жылы 100дөн ашуун кишиге беш миллион рублдан “мыйзамсыз айыппул салган”.

18-декабрда жарым аралдын бир нече шаарларында соттор 14-октябрдагы жалгыз пикеттерге катышканы үчүн крым татарларынын иштерин карады.

19-декабрда Улуттар Уюмунун Башкы ассамблеясы аннексияланган Крым боюнча резолюция кабыл алган.

2014-жылы Орусия Крым жарым аралын аннексиялап алган. Эл аралык коомчулук аны мыйзамсыз деп, бул үчүн Батыш өлкөлөрү Орусияга экономикалык санкцияларды киргизген.

XS
SM
MD
LG