Линктер

ЧУКУЛ КАБАР!
19-Март, 2024-жыл, шейшемби, Бишкек убактысы 14:31

Ош: Милициянын бөлүм башчысы пара менен кармалды


Иллюстрациялык сүрөт.
Иллюстрациялык сүрөт.

Ош облусунун Араван райондук ички иштер бөлүмүнүн Тепе-Коргон милиция бөлүмүнүн башчысы, К.К. аттуу майор пара алып жаткан жеринен кармалды. Бул тууралуу “Азаттык” радиосуна ИИМдин басма сөз кызматы кабарлады.

Маалыматка караганда, 17-январда ички иштер органдарына 22 жаштагы жаран кайрылып, милиция кызматкери андан 200 доллар талап кылып, болбосо дүкөнүн жабуу менен коркутуп жатканын айткан. Бүгүн, 18-январда милиция кызматкери 7 миң сом пара алып жаткан жеринен кармалган.

Бул факт боюнча Ош облустук прокуратурасы Кылмыш-жаза кодексинин 313 жана ("Пара алуу") 304- ("Кызмат абалынан кыянаттык менен пайдалануу") беренелеринин негизинде кылмыш ишин козгоду. Тергөө-иликтөө ишин УКМКнын Коррупцияга каршы күрөшүү кызматы жүргүзөт. (КЕ)

XS
SM
MD
LG