Ала-Бука районундагы Көк-Серек айылындагы катуу шамалдан турак жайларынын чатыры бузулган 20 адамга Мамлекеттик камсыздандыруу компаниясы 5 миңден 50 миң сомго чейин акча берди.
Өкмөттүн облустагы өкүлчүлүгүнүн басма сөз кызматы билдиргендей, жабыркагандарга акчанын сертификатын аталган мекеменин жетекчиси Жумагүл Эгембердиева тапшырып, элди турак жайларын камсыздандырууга чакырды.
Былтыр 27-декабрда Ала-Бука районунда ылдамдыгы секундуна 30 метрге жеткен катуу шамал болгон. Андан 530 үйдүн жана 17 социалдык объектинин чатыры зыян тарткан. (RsK)
