Ооганстандын Газни провинциясында ракета жайкын тургундардын үйүнө тийип, алты бала жана бир киши мерт болушту. Бийлик жана талип согушкерлери сокку үчүн жоопкерчиликти бири-бирине жүктөштү.
Губернатордун маалымат катчысы Ариф Нури ракета коопсуздук күчтөрү жоочуларга каршы операция баштаганда талиптер тарабынан атылганын билдирди. "Каза тапкан бөбөктөр бир жаштан 12 жашка чейин болчу", - деди Нури. Полиция да соккуну талиптер жасашканын ырастады. Ал эми "Талибандын" өкүлү Забихулла Мужахид бул маалыматты четке кагып, карапайым кишилер өкмөттүк күчтөрдүн аба соккусунан жан таслим болушканын айтты.