Бишкекте Ала-Арча дарыясы агып өткөн Рыскулов көчөсүндөгү көпүрөдө муз тоңуп, суу нугунан ашып кеткен.
Анын натыйжасында бүгүн, 27-январда эртең менен беш турак үйдүн короосун суу каптады.
Бул тууралуу Өзгөчө кырдаалдар министрлиги кабарлады. Суунун толук каптап кетүүсүнүн алдын алуу үчүн аталган министрликтин куткаруучулары жана “Жашылдандыруу” ишканасынын 25тей кызматкери, атайын техника тартылды. Суу сордулуп, жээктерди бекемдөө иштери жүрүп жатат. 500 кап кум төгүлдү. (КЕ)
