Кыргызстандын Улуттук коопсуздук боюнча мамлекеттик комитети Бишкектеги Жылуулук электр борборун контртеррористтик иш-чаралардын алкагында текшерип жатат. Бул тууралуу атайын кызматтын басма сөз катчысы Рахат Сулайманов “Азаттыкка” билдирди:
- "Бишкек жылуулук борборунда авария болду" деген маалымат чыкканда эле УКМК текшерүү иштерин баштаган. Азыр ал текшерүү уланып жатат. Жыйынтыгы боюнча кошумча маалымат берилет.
26-январдын кечинде Бишкек Жылуулук электр борборунда авария болуп, шаарда жылуулукка чектөө киргизилген. Энергохолдинг "авария 28-январга караган түнү оңдолду" деген маалымат берген. Бирок айрым шаардыктардын айтымында имараттар талаптагыдай жылый элек. (SDz)