Линктер

ишемби, 22-сентябрь, 2018 Бишкек убактысы 13:01

Бишкекте бир жума ичинде дагы төрт адам суукка тоңуп өлдү


Бишкектеги жылуулук борбору. 28-январь, 2018-жыл.

Бишкек шаарында сууктан тоңуп өлгөндөрдүн саны 19 адамга жетти. Бул тууралуу Бишкек шаардык ички иштер башкармалыгы кабарлады.

Анда айтылгандай, 1-январдан 26-январга чейин он беш киши суукка тоңуп каза болгону аныкталган. Андан бери дагы суукка тоңгон төрт адамдын сөөгү табылган. Милиция билдиргендей, алардын баары үй-жайсыз адамдар.

Бишкек шаардык ички иштер башкармалыгы алдын алуу иштерин жүргүзүп, анда 239 селсаяк аныкталып, 22си үй-жайы жоктор үчүн "Коломто" борборуна жайгаштырылган.

Бишкек шаарынын мэриясы шаарда суук күчөгөнүнө байланыштуу бардык райондордо үй-жайсыз адамдарга убактылуу башкалка берүүчү түйүндөр ачылганын билдирген.

Буга чейин Бишкекте сууктун күчү күндүз -19 градуска, түнкүсүн - 25-30 градуска чейин төмөндөгөн. (ErN)

Сиздин пикир

пикирлерди көрсөт

XS
SM
MD
LG