Кыргызстандын футзал боюнча улуттук курама командасы ушул күндөрү Кытай Тайбэйинде өтүп жаткан Азия чемпиондугунун тайпалык оюндарында Иордания командасын 3:1 эсебинде жеңип алды. Футбол федерациясынан билдиришкендей, Кыргызстандын эсебине таандык голдорду Максат Алимов, Манас Абдрасул уулу жана Адилет Иманбеков киргизди.
Азия чемпиондугунун тайпалык тандоо оюндарында Кыргызстан D тобунда Ливан, Иордания жана Тайланд курама командалары менен ойнойт.
Буга чейин 1-турда кыргыз футзалчылары 2:2 эсебинде тең чыгышкан. Эки оюндан кийин төрт упайга ээ болгон Кыргызстандын командасы азырынча өз тобунда алдыңкы катарда турат.
6-февралда Тайланд курама командасы менен беттешмекчи. Тайпада алдыңкы эки орунду ээлеген командалар плей-оффко жолдомо алат.
