Ош облусунун Араван районунда төрт жашар кыз кудукка түшүп кетип каза болду. Бул тууралуу Өзгөчө кырдаалдар министрлигинин маалымат кызматы кабарлады.
Окуя райондун Төбө-Коргон айылынын Уйгур-Абад кыштагында болгон. Көчөдөгү чуңкурга наристе ойноп жүрүп түшүп кеткен деп болжолдонууда. ӨКМдин №64 куткаруу кызматынын куткаруучулары барып чыгарган учурда кыз чарчап калганы аныкталган.
Окуянын башка жагдайлары иликтенүүдө. (ErN)
