Тайвандагы жер титирөөдөн эки киши мерт болуп, 100дөн ашык адам жаракат алды.
Би-Би-Си кабарлагандай, Тайван өкмөтүнүн башчысы Вильям Лай Хуалян шаарында 6-февралдын түнү болгон жер титирөөнүн күчү 6,4 баллга жеткенин билдирди. Анын айтымында, жабыркагандардын айрымдарынын абалы оор.
Жаратылыш кырсыгынын айынан бул шаарда кеминде төрт имарат жарым-жартылай кыйрады. Маалыматтарга караганда, он кабаттуу "Marshal" мейманканасында дагы эле кишилер бар, куткаруучулар жарым-жартылай кыйраган имараттардан 28 адамды чыгарды.
Жекшембиде ушул эле аймакта жер силкинип, анын күчү да 6,4 баллды түзгөн. Тайванда жер титирөө кө болот. 2016-жылы аралдын түштүгүндөгү жер титирөөдөн 100 киши каза тапса, 1999-жылы 7,6 баллдык зилзала эки миңден ашык адамдын өмүрүн алган.
