Линктер

ЧУКУЛ КАБАР!
2-Декабрь, 2021 бейшемби, Бишкек убактысы 00:02

Шералы Назаркуловду эскерүү митинги өттү


Шералы Назаркулов.

Бишкекте саясий ачкачылыктан улам каза тапкан укук коргоочу Шералы Назаркуловду эскерүү митинги өттү.

Маркумдун жесири Назгүл Назаркулова анын ишмердүүлүгүн мындай эскерди:

- Үй-бүлөлүк башкаруу, элдин кыйналган турмушу Шералыны уктаткан жок. Ал бул кадамы менен келечегибизге, бийликке туура жол көрсөтө аламбы деп ойлоду.

Иш-чарада сөз сүйлөгөн мурдагы акыйкатчы Турсунбек Акун Назаркуловдун ысымы Кыргызстандын тарыхында жазылып калганын билдирди:

- Саясий ачкачылыктан курман болуу КМШнын тарыхында болгон эмес. Биринчилерден болгон Шералынын орду тарыхта өтө чоң. Кыргыз демократиясы, адам укуктары боюнча күрөшкөндөрдүн сап башында турат.

Байкоочулардын баамында, 2002-жылкы ачкачылык акциясы аркылуу мамлекет башчыларынын туура эмес жүргүзүп жаткан саясаты коомчулукка жетип, андан кийинки 2005-жылкы март, 2010-жылкы апрель окуяларынын башаты болгон. Атуулдук позициясы үчүн ал мурдагы президент Аскар Акаев бийликтен кулатылгандан кийин “Эрдик” медалы менен сыйланган.

Шералы Назаркулов 2002-жылы Акаевдин бийлиги учурунда Үзөңгү-Кууштун Кытайга берилишине каршы ачкачылык жарыялап, саясий акциянын 22-күнүндө, 7-февралда каза болгон. (BzA)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG