Кыргызстандык лыжа тебүүчү Тариэль Жаркымбаев Түштүк Кореяда өтүп жаткан кышкы Олимпиада мелдештеринде эркектер арасында 78-орунду ээледи.
Олимпиаданын расмий сайтындагы маалыматка ылайык, 13-февралдагы таймашта 80 спортчу күч сынашты. Бирок бир кытайлык спортчу оюндан чыгарылып, орундар 79 лыжачынын арасында эсептелди.
Спортчулар 1,4 чакырымга лыжа тээп, Жаркымбаев аралыкты 4 мүнөт, 5,99 секундада өткөн.
Түштүк Кореянын Пхёнчхаң шаарында 9-февралда башталган Олимп оюндары 25-февралда соңуна чыгат.
Кыргызстандык дагы бир спортчу Евгений Тимофеев 18-февралда тоо лыжасы боюнча күч сынашат.