Кыргызгидромет шашылыш билдирүү таратып, ушул күндөрү Кыргызстанда туруксуз аба ырайы сакталып, жаан-чачын көп болорун эскертти. Тоолуу жолдорго муз тоңот, кар күрткүсү болот. Кар көчкү коркунучу бар.
15-февралда көпчүлүк аймактарда кар жаап, Ош, Жалал-Абад, Баткен облустарынын айрым жерлеринде көп жаайт. Зымдарга жана бактарга суу кар жабышып калышы мүмкүн. Жолдор тайгак жана тоңголок болуп, тоолуу аймактарда кар күрткүсү көп болот. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.
Абанын температурасы:
Чүй өрөөнүндө түнкүсүн -2…-7, күндүз 0…-5;
Талас жергесинде түнкүсүн -5…-10, күндүз -1…-6;
Баткен облусунда түнкүсүн -1…-6, күндүз -2…+3;
Ош жана Жалал-Абад аймактарында түнкүсүн -1…-6, күндүз -2…+3;
Ысык-Көл облусунда түнкүсүн -4…-9, күндүз -3…+2;
Нарын облусунда түнкүсүн -14…-19, күндүз -4…-9;
Бийик тоолуу райондордо түнкүсүн -24…-29, күндүз -7…-12 градус болот.
15-февралда Бишкек шаарында мезгил-мезгили менен кар жаайт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, 14 метрге жетет. Абанын түнкү төмөнкү температурасы -2…-4°, күндүзгү жогорку температурасы 0…-2° жылуу болушу күтүлөт. (ErN)
