Премьер-министр Сапар Исаковдун 14-февралдагы буйругуна ылайык, Мамлекеттик каттоо кызматынын төрагасы Дастан Догоев берген арызынан улам ээлеген кызматынан бошотулду. Өкмөт башчынын дагы бир буйругу менен Алина Шаикова Мамлекеттик каттоо кызматынын төрайымы болуп дайындалды. Бул тууралуу өкмөттүк аппараттын коомчулук менен байланыш бөлүмүнүн башчысы Чыңгыз Эсенгулов билдирди.
14-февралда өкмөттүк аппарат жетекчисинин орун басары Эдуард Турдалиев Мамлекеттик каттоо кызматынын жамаатына жаңы төрайымды тааныштырды.
Бул тууралуу өкмөттүк аппараттын коомчулук жана маалымат каражаттары менен байланыш бөлүмү кабарлады. Алина Шаикова 2014-2015-жылдарда Мамлекеттик каттоо кызматын жетектеген. (ZKo)
