Линктер

жума, 22-июнь, 2018 Бишкек убактысы 15:04

15-февралда саат 19:20 чамасында Чычкан капчыгайында кар көчкү түшүп, Бишкек-Ош жолун бөгөп калган. Бул тууралуу Өзгөчө кырдаалдар министрлигинин өкүлү Абдышарип Бекилов "Азаттыкка" билдирди:

- Биз маалыматты азыр эле алдык. Баштапкы маалыматтар боюнча көчкүдөн жабыркагандар жок. Учурда көчкүнүн көлөмүн жана ал түшкөн жерди тактоо иштери жүрүп жатат.

14-февралдан бери кар тынбай жаап жаткандыктан бир нече саат мурун Бишкек-Ош жолунда жүк ташуучу автоунаалардын жүрүшүнө чектөө киргизилген. ӨКМдин маалыматына ылайык, чектөө саат 17:00дөн 08:00гө чейин киргизилген.

Өзгөчө кырдаалдар министрлиги өлкө жарандарын өтө зарылчылык болбосо аба ырайы турукташканча жолго чыкпай турууга, кан жолдо унаалардын ортосундагы аралыкты 500 метрден кемитпөөгө чакырууда.(ZKo)

XS
SM
MD
LG