Линктер

жекшемби, 21-октябрь, 2018 Бишкек убактысы 10:45

Александр Ким алты жылга шарттуу кесилди


Александр Ким.

"Вечерний Бишкек" жабык акционердик коомунун мурдагы ээси Александр Ким алты жылга шарттуу кесилип, 27 миллион сомдук айыпка жыгылды. Мындай чечимди Бишкек шаарынын Свердлов райондук соту 20-февралда чыгарып, Кимдин саламаттыгы, анын сыйлыктары эске алынганын билдирди. Алты жылдык шарттуу жазанын эки жылы сыноо мөөнөтү деп эсептелет. Ошондой эле сот аны "Рубикон» жоопкерчилиги чектелген коомунун башкы директору Александр Рябушкинге 27 миллион сом төлөп берүүгө милдеттендирди.

Кимдин жана анын адвокаттары райондук соттун чечимине каршы шаардык сотко кайрылууну көздөп жатышат.

Александр Кимге Александр Рябушкиндин арызынын негизинде, Кылмыш-жаза кодексинин 221-беренеси боюнча иш козголгон. (NT)

XS
SM
MD
LG