Өзбекстандын Наманган шаарында Нооруз майрамына карата беш тонна сүмөлөк кайнатууну пландап жатышат.
Ага эки тонна ун, бир тонна май, 450 килограмм жүгөрү уну, 50 килограмм нават керектелет. Бул иш-чараны Намаган шаардык акимияты уюштуруп, сүмөлөктү 25 аял даярдайт.
Сүмөлөктү шаар тургундары ооз тийгенден кийин балдар жана карылар үйүнө алып барышат.
Нооруз - чыгыш элдеринде жаз майрамы, жаңы жылдын башаты катары белгиленет. Майрам ЮНЕСКОнун маданий баалуулук тизмесине кирген. Ал эми сүмөлөк Ноорузда жасала турган тамак.
