Линктер

ЧУКУЛ КАБАР!
10-Май, 2021 дүйшөмбү, Бишкек убактысы 11:39

Чек ара кызматы: “Достуктагы” тыгынга соодагерлердин көбөйгөнү себеп болууда


"Достук" чек ара бекети. 24-февраль, 2018-жыл

Ош облусундагы кыргыз-өзбек “Достук” өткөрмө бекетинде эки өлкө жарандарынын соода жүргүзүүсү көбөйгөнүнө байланыштуу чек арада жөө адамдардын тыгыны пайда болду. Бул тууралуу “Азаттык” радиосуна Кыргызстандын Чек ара кызматы маалымдады.

Тыгын эки тарапта тең катталууда.

Кырдаалды жоюу үчүн кыргыз тарап чек ара көзөмөл пункттарын көбөйтүүдө. Учурда 10 көзөмөл бөлүмү иштеп жатат, эми дагы төрттөө орнотулат. Чек арадан күнүнө жети миңден ашуун адам өтөт.

Буга чейин ошол жерде жүргөн “Азаттыктын” кабарчысы кыргыз тарапта Өзбекстанга өтө албай 500дөй адам турганын маалымдаган.

2017-жылдын сентябрь айында кыргыз-өзбек “Достук” чек ара бекетинде эки тарапка өтүүнүн жол-жобосу жеңилдеген.

Кыргызстан менен Өзбекстандын чек арасы 2005-жылы март жана Анжиян окуяларынан кийин жабылып, ары-бери өтүү кыйындаган. 2010-жылкы июнь коогасынан кийин чек арадан өтүү үчүн телеграмма, чакыруу сыяктуу кошумча документтер талап кылына баштаган. (TSh/MdN)

Кыргыз-өзбек чек арасындагы тыгын
please wait

No media source currently available

0:00 0:01:21 0:00

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG