Линктер

ЧУКУЛ КАБАР!
14-Май, 2021 жума, Бишкек убактысы 18:52

Арменияда жаңы президент шайланды


Армен Саркисян.

Армениянын парламенти бүгүн Армен Саркисянды президенттикке шайлады. Мурдагы өкмөт башчы, Британиядагы мурдагы элчи, 64 жаштагы Саркисянды 90 депутат колдоп, 10 депутат каршы болду, бирөө арсар добуш берди. Армен Саркисян бул кызматта Серж Саркисяндын ордун басат. Оппозиция "азыркы мамлекет башчы эми премьер-министр болуп бийлигин бекемдейт" деп келатат. Эки саясатчы бири-бирине тууган эмес. Серж Саркисян Армен Саркисянды 19-январда башкаруудагы Республикалык партиянын атынан талапкер кылып көргөзгөн.

2015-жылы өткөн референдумдун жыйынтыгына ылайык Армения жарым-жартылай президенттик системадан парламенттик республикага өткөн. Эми президент вето укугунан ажырап калды. Андан тышкары мамлекет башчыны 7 жылга эл эмес, парламент шайлайт. Ал бул кызматты бир гана жолу ээлей алат.

Скептиктер конституциялык реформаларды азыркы президент Серж Саркисяндын саясий көзөмөлдү колдон чыгарбоо аракети катары сыпатташат. Анын президенттик мандаты 9-апрелде соңуна чыгат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG