Флорида штатынын соттук кеңешмеси Николас Крузду 17 адамды атайылап өлтүргөн деп айыптады.
19 жаштагы Николас Круз 14-февраль күнү штаттын Парклэнд шаарында мектеп окуучуларын атып, 17 кишини өлтүргөн. Эгер сот аны айыптуу деп тапса, өмүр бою эркинен ажыратылат же өлүм жазасына тартылат.
Николас Круз шектүү жүрүш-турушуна карабай, мылтыкты мыйзамдуу сатып алган. Круздун адамдарды атары тууралуу эскертүү ФБРге январда келип түшкөнүн иликтөө мекемеси мойнуна алды.
Жергиликтүү полиция Круздун жүрүм-туруму тууралуу каргашанын алдында билишкенин маалымдады. Николастын энеси анын кыял-жоругуна чыдабай, бир нече жолу полиция чакырган.