Линктер

шаршемби, 19-сентябрь, 2018 Бишкек убактысы 03:17

Талас: Мугалимди кыйноого шектүү милиционерлер камалды


Иллюстрациялык сүрөт.

Таластын Бакай-Ата райондук ички иштер бөлүмүнүн эки кызматкерине карата кылмыш иши козголуп, алар 14-мартта облустук милициянын убактылуу кармоочу жайына камалды. Бул маалыматты облустук ички иштер башкармалыгы ырастады.

Райондук прокуратура аларга карата Кылмыш-Жаза кодексинин “Кыйноо” беренеси боюнча иш козгогонун «Азаттыкка» прокурор Замир Жумабеков билдирди.

Шектүү милиционерлер эки ай мурун Бакай-Ата районундагы мектептердин биринде мугалим болуп иштеген 33 жаштагы жергиликтүү тургунду "мал уурдады" деген шек менен үйүнөн күч колдонуп алып кетип, райондук милиция бөлүмүндө кылмышты мойнуна алдырыш үчүн ур-токмокко алган деп айтылууда. Натыйжада мугалимдин ден соолугуна залал келтирилгени аныкталган.

Факты боюнча иш 5-мартта козголгон. Аны Улуттук коопсуздук боюнча мамлекеттик комитеттин Таластагы башкармалыгы тергеп жатат. (AlS)

Сиздин пикир

пикирлерди көрсөт

XS
SM
MD
LG