Бишкек-Ош жолундагы кар көчкү коркунучунан улам, ошондой эле аба ырайы өзгөргөнүнө байланыштуу бүгүнтөн тарта саат 21:00дөн таңкы 06:00га кыймылга тыюу салынды. Бул тууралуу Өзгөчө кырдаалдар министрлигинен кабарлашты.
Министрлик жарандарды түнкүсүн сапарга чыкпоого чакырып жатат.
Буга чейин Бишкек-Ош жолундагы Чычкан капчыгайына кар көчкү түшкөн эле. Кечээ ал тазаланып, жол каттамы ачылды. (BkA)
