Линктер

ЧУКУЛ КАБАР!
4-Март, 2021 бейшемби, Бишкек убактысы 03:49

Франциянын экс-президенти Саркозиге айыбы угузулду


Николя Саркози.

Франциянын мурдагы президенти Николя Саркозиге айыбы угузулду. Тергөөчүлөр экс-президент 2007-жылдагы өзүнүн шайлоо өнөктүгүн мыйзамсыз каржылаган жана Ливиядан жашыруун акча алып турган деп эсептешет.

Саркози 21-мартта кармалып, камакка алынып, кайра бошотулган. Француз медиасынын кабарларына караганда, мурдагы президентти коррупцияга каршы полициянын офицерлери суракка алып жатышат.

"Саркози Муаммар Каддафиден шайлоо өнөктүгү үчүн акча алган" деген маалыматтар француз медиасында адегенде 2013-жылы жарыяланган жана тергөө ошондон кийин башталган.

Былтыр басылмаларда бийликтен кулатылган Каддафи Франциядагы шайлоо өнөктүгүн каржылоого 66 млн. доллар сунуш кылганы тууралуу маалыматтар чыккан. Ливиянын бийлиги документтер жасалмаланганын айтып чыкса, Саркози бул айыптарды четке каккан. Саркози Франциянын президентинин милдетин 2007-2012-жылдары аткарган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG