Линктер

ЧУКУЛ КАБАР!
27-Февраль, 2021 ишемби, Бишкек убактысы 13:47

Президент башкы прокурор менен жемкорлук маселесин талкуулады


Сооронбай Жээнбеков жана Индира Жолдубаева.

Мамлекет башчы Сооронбай Жээнбеков башкы прокурор Индира Жолдубаеваны 28-мартта кабыл алып, жемкорлукка каршы иштердин жүрүшү тууралуу сүйлөштү.

Президенттик аппараттын басма сөз кызматы билдиргендей, Жолдубаева Коопсуздук кеңешинин быйыл 8-февралдагы чечимине ылайык, коррупцияга каршы жасалып жаткан иштер жөнүндө айтып берди.

Жээнбеков прокуратуранын бул багыттагы аракетинде жылыштар бар экенин белгилеп, жемкорлукка каршы чечкиндүү чаралардын жыйынтыгына жарандык коом көз салып жатканын кошумчалады.

Жолдубаева кызматтык кылмыштарга байланыштуу мурда негизсиз токтотулган иштер кайра карала баштаганын билдирди.

Сооронбай Жээнбеков ушул эле маселе менен 27-мартта УКМКнын башчысы Абдил Сегизбаевди да кабыл алган.

8-февралда Коопсуздук кеңешинин жыйынында мамлекет башчы күч органдарындагы жемкорлукка каршы аракеттерди сынга алып, ишти жандантуу зарыл экенин айткан. Жарандык коом өкүлдөрү Жээнбековдун демилгесин колдоп, жыйынтык күтөрүн билдиришкен. (SE)

Пикирлерди көрүңүз (34)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG