Линктер

дүйшөмбү, 16-июль, 2018 Бишкек убактысы 07:15

Мамлекеттик салык кызматынын төрагасынын орун басары Кубанычбек Кумашов коррупцияга шектүү катары кармалды. Бул тууралуу Улуттук коопсуздук боюнча мамлекеттик комитеттин (УКМК) басма сөз катчысы Рахат Сулайманов “Азаттыкка” билдирди.

- 2018-жылдын 2-апрелинде УКМК тарабынан “Полларис” жана “Интеррустрейд” жоопкерчилиги чектелген коомдоруна карата мамлекеттик бюджеттен кошумча нарк салыгын мыйзамсыз түрдө кайтарып берүү боюнча козголгон кылмыш ишинин алкагында, коррупцияга шектүү катары Салык кызматынын төрагасынын орун басары Кубанычбек Кумашов кармалды. Учурда ал УКМКнын тергөө камак жайынын убактылуу кармоо жайында кармалып отурат. Бул кылмыш ишинин алкагында тергөө иштери дагы уланууда.

Буга чейин УКМК Мамлекеттик салык кызматындагы коррупциялык схеманын бетин ачканын кабарлаган. Ага ылайык, жасалма документтер менен өлкө бюджетинен 217 миллион сом чыгарылып кеткен. Бул кылмыш боюнча беш салык кызматкери жана "Полларис", "Интеррустрейд" деп аталган ишканалардын жетекчилери камакка алынган. (ErN)

Сиздин пикир

пикирлерди көрсөт

XS
SM
MD
LG