Президент Сооронбай Жээнбеков “Мамлекеттик сатып алуу жөнүндө” Кыргыз Республикасынын мыйзамына өзгөртүү киргизүү тууралуу” мыйзамга кол койду. Бул тууралуу президенттик аппараттын маалымат саясаты бөлүмү кабарлады.
Мыйзамды Жогорку Кенеш 2018-жылдын 22-февралында кабыл алган. Анын максаты - мамлекеттик сатып алуу чөйрөсүндөгү процесске катышкан кызмат адамдарынын арасында коррупциянын деңгээлин төмөндөтүү жана атаандаштыкты камсыз кылуу.
Мыйзам расмий жарыяланган күндөн тартып күчүнө кирет. (ErN)
