Орусиянын Башкы чалгын башкармалыгынын жетекчисинин орун басары Игорь Костюков "Ислам мамлекети" террордук тобунун лидери Абу Бакр ал-Багдади Иракта жашынып жүргөнүн билдирди. "Интерфакс" агенттиги менен болгон маегинде ал:
- Чындыкка жакын божомолго караганда, Багдади Иракта. Анын Сирияда жүрүшү мүмкүн эмес. Азырынча кайсы жерде экенин анык билбейбиз, - деди.
Костюков көпчүлүк мамлекеттердин атайын кызматтары Багдадинин изин табуу менен алектенип жатканын кошумчалады.
Буга чейин Абу Бакр ал-Багдади өлтүрүлгөнү тууралуу бир канча маалыматтар чыгып, ырасталган эмес.
Соңку жылдары "Ислам мамлекети" террордук тобу ар кайсы мамлекеттерде уюштурган теракттардан жүздөгөн кишилер курман болду.
Сиздин пикир
пикирлерди көрсөт