Былтыр өлкөдө ымыркайлардын өлүмү мурдагы жылдагы көрсөткүчтөн 6% азайып, миң баланын 15ине туура келген. Ал эми энелердин өлүмү тескерисинче көбөйгөн. 2017-жылы жүз миң аялдын 31и төрөт учурунда көз жумган. Бул мурдагы жылдагы көрсөткүчтөн дээрлик 3% көп.
2015-жылы Кыргызстанда 63, ал эми 2014-жылы 80 аял төрөт учурунда көз жумган. Энелердин өлүмү Ош, Жалал-Абад жана Чүй облустарында көп катталган. Буга ички жана тышкы миграция, витаминдүү тамак-аштарды жебегендик, аз кандуулук себеп болуп жатканы белгиленет.
2008-жылы миң баланын отузу чарчап калса, 2015-жылы миң ымыркайдын 17си чарчап калган. (ZKo)
