Линктер

ЧУКУЛ КАБАР!
27-Февраль, 2021 ишемби, Бишкек убактысы 10:34

Дамирбек Асылбек уулунан депутаттык мандат алынды


Дамирбек Асылбек уулу.

Казакстанда аткезчиликке байланыштуу айыпталып камалган "Кыргызстан" фракциясынын депутаты Дамирбек Асылбек уулу депутаттык мандатынан ажыратылды. Бул тууралуу Борбордук шайлоо комиссиясынын мүчөсү Назарали Арипов кабарлады.

Маалыматка ылайык, Асылбек уулунун казак жарандыгы бар экенин тастыктаган документтер БШКга түшкөн. Дал ушул документтердин негизинде шайлоо комиссиясы 16-апрелдеги жыйында Дамирбек Асылбек уулун мандаттан ажыратуу жөнүндө чечим кабыл алды.

Асылбек уулунун ордуна "Кыргызстан" партиясынын тизмесиндеги Руслан Чойбеков келди.

Быйыл 15-16-февралда Казакстанда аткезчилик боюнча шектүү катары 29 киши кармалган. Алардын арасында Кыргызстандын үч жараны, Жогорку Кеңештин депутаты Дамирбек Асылбек уулу да бар экени белгилүү болгон.

Казакстандын Тышкы иштер министрлиги кийинчерээк Дамирбек Асылбек уулу казак жараны экенин маалымдаган. Депутаттын атасы уулу Кыргызстандын жараны болгонун, Каракол шаарында туулуп-өскөнүн "Азаттыкка" билдирген.

Айрым маалымат каражаттары кыргызстандык депутатты "Кытайдан Казакстанга жана Орусияга аткезчилик менен жүк ташыган кылмыш тобунун башчысы" деп жазып чыгышкан.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG