Орусиянын Тергөө комитети "Кемеровонун соода борборундагы өрттөн мурда айтылгандай 64 эмес, 60 киши каза болгон" деп билдирди. Мындай бүтүмгө тергөөчүлөр дайынсыз жоголгон адамдар тууралуу маалыматтарга жана генетикалык экспертизанын жыйынтыгына таянып келишти. Бардык курман болгондордун тек-жайы аныкталды.
25-мартта “Зимняя вишня” деген борбордо өрт чыккан. Өрт курмандыктарынын 40тан көбү балдар болчу. Өрт чыкканда сигнализация иштебей, эвакуциялык эшиктер ачылбай калганы маалымдалган. Окуя боюнча кылмыш иши козголуп, 7 киши камакка алынды. Арасында өрт өчүрүүчүлөрдүн бөлүм башчысы да бар.
