Линктер

шаршемби, 26-сентябрь, 2018 Бишкек убактысы 10:55

Ереванда нааразылыкка чыккан 200дөй адам кармалды


Нааразылыкка чыккандар.

Арменияда мурдагы президент Серж Саргсяндын премьер-министр болушуна каршы чыккан жарандардын арасынан 200дөй киши кармалды. Полиция аларды алып кеткенин, ага карабай демонстранттардын саны улам өсүп жатканын жергиликтүү булактар жана "Немис толкуну" радиосу кабарлады.

"Саргсяндан баш тарт!" деген ураан менен бир апта мурда башталган миңдеген кишилердин катышуусундагы демонстрациялар 20-апрелде да уланып, акцияга чыккандар Еревандын бир канча жолдорун бууп, автоунаа кыймылын токтотуп коюшту. Аларды оппозициячыл депутат Никол Пашинян баштап жүрөт.

Өлкөнүн мурдагыдай жалпы эл эмес, парламент шайлаган президенти Армен Саркисян 9-апрелде кызматка киришкен. Бир аптадан соң депутаттардын көпчүлүк добушу менен мурдагы президент Серж Саргсян өкмөт башчы болуп келген.

2015-жылдагы конституциялык реформадан кийин Арменияда премьер-министрдин ыйгарым укуктары кеңейтилип, президенттики азайган эле. (SE)

XS
SM
MD
LG