Линктер

ЧУКУЛ КАБАР!
9-Март, 2021 шейшемби, Бишкек убактысы 10:44

Түндүк Корея өзөктүк-ракеталык сыноолорун токтотот


Түндүк Корея өзөктүк-ракеталык сыноолорду токтотот. Бул тууралуу өлкө лидери Ким Чен Ын 20-апрелде айтып, мамлекеттин өзөктүк сыноо өткөрчү полигону да жабылаарын кошумчалады.

"Өзөктүк сыноолор өлкөнүн экономикалык өнүгүүсү жана Корей жарым аралында тынчтыкты камсыздоо максатында токтотулууда" - деп маалымдады Түндүк Кореянын расмий басылмалары.

АКШ президенти Дональд Трамп Кимдин чечимин кубаттап, "Бул Түндүк Корея үчүн да, дүйнө үчүн жагымдуу кабар. Жогорку деңгээлдеги жолугушуубузду күтөм" - деп "Твиттерге" жазды.

27-апрелде Түндүк Корея менен Түштүк Корея бийликтери чек ара аймагында биргелешип саммит өткөргөнү турат. Тынчтык келишимине жол ачат деп күтүлүп жаткан бул саммиттен соң АКШ жана Түндүк Корея лидерлери жолугат деп кабарланган. Анын убактысы жана кайсы жерде өтөөрү азырынча белгисиз. (SE)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG